أوركسترا سيمفونية الشعر

حارتنا بقلم الشاعر فهمى على تم النشر بواسطة Talia Amr

by titodb2000@gmail.com 6:10 ص 0 التعليقات
حارتنا
الشاعر فهمى على
حارتنا البعيدة .. القديمة الجديدة
حيطانها العتيقة بتحكى حكايات
عن البت بسمة ... اللى تشبه لنسمة
و فى خدودها صحكة بتحييى اللى مات
و عن واحدة عانس بتعمل مكانس
و عن حد خانس بيفشر كتير
بيحكى فى حكاوى ... و يوصف فى حاوى
عشان بس ناوى .... يدوق الفطير
و عن عمى طاهر .... ابو قلب طاهر
و ليله اللى ساهر .... يغنى فى كلام
يضحك صحابه ... ما ينسى اللى غابو
و يكنس ترابه بطيبة و سلام
و خالتى ام طه .... و عيل وراها
و جزمة اشتراها .... ببيضتين فراخ
و ساعة ما قاسها دا بعد اما باسها
صغير مقاسها ... فعيط و داخ
و عمل الكنافة ... و عصير الجوافة
و علاج النحافة .... و وجع القلوب
و انبوبة فاضية ... و ناس لسه راضية
و كام ضربة قاضية ... فى وش اسماعيل
عشان واد فلاتى ... بيسهر ليلاتى
يزعق ... يهاتى .... عشان مش جميل
و فرح ابن صالح .. و نقطة و مصالح
نخاصم ... نصالح ... و احضان و بوس
و ميت مسافر ... على رزقه عافر
و جوع بردو كافر ... و قلة فلوس
و باب بيت صغير ... وراه شئ يحير
و ضيق ..ة قصير ... يفوت عيال
مالوش خلق ساكنة ... يدوب قطة راكنة
ضعيفة و داكنة .... بتعرج شمال
و كلبين و كلبة .... فموجب و سالبة
فتحصل مغالبة ... و قلة ادب
و جدعان بتجرى ... و تنكت و تهرى
و خوف جاى بدرى ... و هم انكتب
و حدوتة بايخة.... فضحكة ياسايخة
عشان بت دايخة .... بتغوى الشباب
فتاخد فلوسهم ... و ترجع تدوسهم
و تكسر فانوسهم ... يعيشوا فى عذاب
عشان ناس حارتنا .. و جارتهم جارتنا
اويتنا و داريتنا .... لا يمكن تهون
بنعشق ترابها .... و نكره خرابها
و لو ريح ضربها ... بتبكى العيون
‫#‏فهمى_على‬

الكاتب: titodb2000@gmail.com

انا عمرو محمد مدير مدونة عمرو ويب مصمم ومطور قوالب بلوجر لدي خبرة 3 سنين احب ان اضع كل جديد من قوالب في مدونة عمرو ويب وانا مديرها

0 التعليقات:

الاشتراك في: تعليقات الرسالة (Atom)