هو اللي غاب زي اللي مات
معقولة دي
تروح تغيب كده من سكات
ولما أعاتبك
تضحك ملامحك
وتقول خلاص الوقت فات
القلب يبكي قدام عينيك
يتمنى يوم يلمس أيديك
وأنت كده قلبك حجر
كل شيء بيهون عليك
ودموعي قدامك مطر
كل دا ولا أثر فيك
ولما شكيتك للقد
قالي خلاص
أعتبره مات .
هو اللي غاب زي اللي مات!
اللي غاب
تلقاه هنا
حنين جوانا ينده عليه
يمكن نقابله يضمنا
ويعيش جوانا إحساسنا بيه
أما اللي مات
عشنا معاه أجمل سنين
له ذكريات
ودموعنا على وداعه تسيل
يفضل ما بينا حبة أهات
يبقى اللي غاب زي اللي مات
انسى خلاص يا قلبي فوق
م الوهم .عيش بقى دنيتك
واضحك . حياتك يوم تروق
ولا دموعك هزتك
الدموع تغسل وجع
والآلام بعديها فرح
يعني أيه فيك اتوجع
ابني لروحك ألف صرح
وانا م النها ردة هعترف
ان القدر كلامه صح
من غير دموع ولا أهات
اللي غاب زي اللي مات
بقلمي عطية الأعصر
تابعنا علي
هنا يمكنك متابعتنا علي شبكاتنا الاجتماعية ومتابعة اخر المواضيع الجديدة علي مدونة ضع اسم المدونة هنا