حلمي وحلمك بقلم المتألق محمود درويش

بقلم المتألق محمود درويش
..........
حلمي وحلمك
.............
على قد ما حلمنا يا صاحبي الحلم أتاخد
والفرحة من جوا النن مذبوحة من غير ما تشاهد
سكة حلمي وحلمك قسمتها أتنين
أتمنيت الحلم ما بيني وبينك يكون واحد
عز عليك حتى الحلم يكون شاهد
قتلت الفرحة في قلبي والذكري ما بينا بتتاخد
أيه المعنى أيه القصد حتى سؤالي من غير رد
كان نفسى يا صاحبي يكون ردك أول واحد
..................
حلمى كان علي قدى صغنون...
معاك فكرت اتعدى حدود الكون
المس بأيديه سحاب واتعلق بنجوم
فرحه وضحكة وأمانى حلم صابه جنون
لاقيتنى فى حلمى وحلمك بتغير
بنسي الدنيا من حواليه وبحرر الحلم المسجون
هديت الحلم فى لحظه وبنيت بإيديك السور
وتسال حلمنا ليه ينهار مش كان بينا مكنون
عاقل أنت ولا أنا مجنون جاوب وبلاش تعند
ما خلاص أتهد الحلم والنرجس جواك مسكون.....

..................
حلمي جوايا مقتول بإيديك وقلبي عاهدني ما يخون
حلمنا كان فرحه وضحكه وأمل جوانا مكنون
دنيا براح وعيون صافيه ونتسايق مين للحلم يصون
عتمت بإيدك النور وطفيت نور الشمس بغرور
ولا همك تجرح أو تقتل ولا ترحم قلبي المكسور
بتمنى يصبنى زهايمر ولا أتجن وماشوف طيفك فى الكون
إيه أتغير إيه أتبدل حتى الحلم مبقاش مأمون
فاضل إيه تاني يادنيا والكل مبقاش مضمون
...............محمود درويش.........
التعليقات .....

Attia Alaasar حلمي وحلمك عليه الزمان شاهد
وبأيدي وايدك نرسم خطوه ماتتاخد
يخنق فينا الزمان والعهد واحد
أصل اللي بيني وبينك مشاهد
مش حلم وبس دي أفعال وتجارب
نروح ونغيب ويفرق بينا كل حاقد
وترجع ايدك لايدي موصوله بشدايد
انت الحلم الكبير والامل الواعد
وأنا من غيرك صغنون مش متشاهد

Naser AL Awady لسه بتحلم يا انسان
فاكر ان ما فيش احزان
احلام ايه ما تفوق و تصحصح
بيناالحلم ما لوهش مكان
نفض ايدك و اسعى لقوتك
و اطلب رزقك م الرحمن

Attia Alaasar حلمي مش فرغيف العيش
حلمي في دنيا رايحه فهيش
صاحب ايده فأيدي نعيش
حب من القلب مش بقشيش
اما الرزق لغيره مفيش
كلامي وصلك ولا أعيش

Nada Fgr ولاجل ما ايدى فى ايدك وحلمنا واحد
تعال معايا نبنى لنا شاهد
يشاهد اجمل قصة حب وربنا شاهد
حبنا لامنا ولا يمكن نمكن منها حاقد
حنبنى ونعلى ونخلى الكون عليها شاهد
انها ام الدنيا وولادها فى كل مكان
عليها بتشاور

Attia Alaasar حلمي في صاحب
امد له ايدي يقول يامراحب
مش على ارض وبلاد ومراكب
يفضل جنبي مش بفلوس وزكايب
بروحه وقلبه اصل الدنيا فيه عجايب
اقول كمان ولا كلامي مش عاجب

Nada Fgr دور على صاحبك حتلاقيه جنبك
اللى ماسك ايدك ما بين يده
ولا يقولك فى بيوم دى بكام وليه
بل فى الشده تلاقيه سندك

Attia Alaasar انا وصاحبي متقيدين
بعهود ووعود وقسم ويمين
مايسيب ايدي في فرح
ويكون جنبي وانا حزين
اصل صاحبي ده هديه
اهداه رب العباد ليه
وكل الكلام حولينا
قصص وحكيات مرويه
وناس بتحقد وتفرق بالنيه

Nada Fgr صاحبك الحقيقى ما يهمه كلام
ويدافع عنك حتى لو غلطان
ولا في يوم يخذلك ويكون جبان
ولا يوم يشمت فيك اى جبان

Attia Alaasar صاحبي صاين العشره
وقلبه فوق العشره علي عشره
ويكشر للي يجيب سيرتي ولوفكره
اصله اصيل مش دهب قشره
ولا عمره خذلني ولاكان جبان

Mahmoud Darwish كان يامكان كان حلم زمان
والاحلام زى الاصحاب مالهمش امان
حتى نجوم الليل خطفوها 
والشمس بايديهم حجبوها
ضحكوا علينا وقالوا ثورة
ثورنا وهيصنا وعملنا الغاغه
سيبك سيبك ماهى مرسومه
لفينا ودورنا ورحنا وجينا
وفى الاخر من تانى رجعوا حكمونا

Nada Fgr لا تياس صديقى من االى حاصل
هو دور وترسم علينا
لكن ايمنا بالله كبير
حيجى يوم والحوال تتغير فيه
وينصلح حال البلاد
لما تنصلح نبوس العباد
لان بلادنا غاليا علينا
ونفديها بروحنا وعنينيا
ويكفى ان ربنا حميها

Mahmoud Darwish قالوا احلم واتمنى حلمت انى فى الجنه
قالوا احلم تانى حلمت انى عصفور
برفر فوق الكون 
قالوا احلم كمان وكمان حلمك معانا امان
حلمت انى سحابه وسما صافيه وموجه ناعمه وتتحق احلامى واكون
قالوا اتمنى اكتر واكتر...
اتمنيت اكون انسان ..
قالوا خلاص مبقاش احلام 
احلم على قدك ياغلبان
انسااان كان حلم زمان
فوق واصحى احلامك فى طى النسيان.Attia Alaasar

Attia Alaasar اوعى تقول في يوم كان
وان حلمنا في طي النسيان
انا وانت مثل للانسان
احنا اتنين كتب علينا الزمان
نحلم وننسي الاحزان
لايكدنا عزول ولا اي ان كان
ننسي همومنا والحرمان
ونعيش انا وانت
قصه تتحكي للخلان

Nada Fgr احلم واحلم واعمل على تحقيق حلمك
احلم وطير فى سماء الكون
واوعى حد ياخد منك حلمك
ولجل ما تحلم وتحلم
لابد تعرف تكون انسان
الانسان مش اسم ولا جسم
الانسان عقل وروح
ازاى الاول تحب ربك
وتعمل باخلاقك نبيك
ساعتها حتكون انسان
وتعرف تحلم ازاى تكون انسان

Attia Alaasar ياسلام علي الكلام
موزون من قافيه ولا بيان
مرسوم علي السطور بحسبان
اعرف ربك تكون انسان
مش بالحلم لوحده يبان
جسم واسم وصوت ولسان
تسلم ايد اللي رسم البيان

Mahmoud Darwish حلمى اعيش بين الناس مستور
نفسي اقول للفقر من بينا يغور
زحف بجيوشه مستعمرنا 
وكأنه مالوش ملجاء غيرنا
مرابط قال ايه جاى ياكل خيرنا
ضحكوا عليك يامسكين 
حتى رغيف العيش بنقسمه بالسكين
اربع واتمان والله العيش مش حشيش ولا افيون
شويه شويه هناخد شمه والجوع نتعالج منه
مش حالى لوحدى يوووه وحال الباقيين
Nada Fgr

Naser AL Awady و لا في الحلم هاتلقى امان
زى ما عشت في عيشة هوان
اللى اتعود يسرق حلمك
هو اللى انت اديته ودان
هو اللى انت معاه بتغنى
تسلم ايدك غز كمان
اصلى ما عشتش ايام حلوة
كلها غم و فيها هوان
زى اللى انت هاتوهبها لنا
ما انت ايديك كلها احسان

Attia Alaasar حلمي محدش يسرقه
عشان ربي وحده حققه
وايدي ماسكه عليه بجنان
ولو فكر يوم غفلان
يسرق حب بقاله زمان
راح يتحرق ويكون في هوان

Naser AL Awady

Attia Alaasar 

هأ هأ ... ضحكتنى و الله
يا للى بتحلم من داعى
لو فى الحلم اتحقق حلمك
يبقى برافوا عليك و الله
اوعى تفكر انك عايش
و لا يوم كنت بفكرك ساهى
احنا يا اعسر عايشين عيشة
بهلوانات و الدنيا ملاهى

Attia Alaasar اسمي أعصر 
ولاعمر حلمي هيتعسر
وكويس اني ضحكتك
وخليتك تكركر
عشان انا واد سكر
وكتير قالو اني شهد مكرر
و بطمنك اني عايش ومقرر
ان عمري ما اكون بهلوان
و رب العباد خلقني انسان
حلمي حققته من زمان
مش بحلم ومستني من حد
احسان
اسمع يا أ. ناصر انت فنان
ولاعمري هضاهي قلمك
ولا انا شاعر في الحسبان
بس بجتهد وربك هو المنان...

Mahmoud Darwish ياااه لسه بتحلم يأنسان 
اوع تقول انك مش فاهم
اوع تقول انك متاخد
يابنى الحب عملوه مزاد
الادونا الا تريه...
مين يزود مسكت الايدين بكذا
النظرة فى العنين بكذا 
امال الحضن والبوسه هيبقوا بكام
اصحى وفوق ياغلبان الحب بقي كان يامكان Attia Alaasar

Attia Alaasar عمر الحب مايصبح كان
ولا شوية زن علي الودان
المزاد للي في عنيه خذلان
لكن قلبي بالحب عمران
اصل اللي وهبني الحب
سيد القلوب والابدان
مش متعلم في صالة رقص
ولا بتصنع الكلام
مش بمثل بقلبي كمان
لو ده حصل يبقي هوان
واكون انا وقلبي في خبر كان

Tarik Metwally سرداب يفتحه باب
و حروف للضوء نافذه
و ما بين الحضور و الغياب
يبقى حلم العودة
أشبه بالمعجزة
في زمن لا يؤمن بالمعجزات
يبقى الرحيل حلما 
ككل الاحلام حبلى بالمغريات
و تعانق الاسئلة
اجابات جاهزة
و يمضى رتم العمر سريعا
يغزوه شيب لم يناهزه
سامحيني
اذ اغتلت احلام الشباب
سامحني فوعدي
لم انفذه
فقد التقينا اغراب
في وطن رغم اتساعه
يعانق مشرقه مغربه
يغتال احلام الشباب
و يحلو العيش فيه لزمرة او كوكبه
و انا يا معشوقتي
اسير الغياب
و حلمي ابت كل الحروف
ان تكتبه

Mahmoud Darwish ياناصر قول كمان وكمان
اتعودنا معاك على العيش والدقه
وبفته ودمور وكستور ..
ومصانع بتغزل وتصنع.
حرير ولينوه يسافر بره
وحطه يابطه يادقن القطه..
شد لحافك نام واتغطى..
عدى منهم كام وستين
بسيطه فاضل على الستميه يومين
وادينا صبرين وبقينا مع الغلب متحلفين

Naser AL Awady

Naser AL Awady محلى حروفك يا درويش
اجمل منها بجد ما فيش
قلنا معاك فى الحلم كلامنا
بس كلامنا فى الهوا ريش
احنا قضينا حياتنا بنحلم
بس الحلم ما حققناش
اصل الدنيا خدتنا و رحنا
جرى وراها ما حصلناش
غير مترين دمور أو بفته
يمكن غيرنا كفن ما لقاش

Mahmoud Darwish هى تكيه ولا وسية
ورثونا زى حمام فى الغية
اصفر ومموه واخضر 
دى الصحرا مش قاصد حاجه
ولا فكركم يرمح بيكم للسجاده
فرشتها واتمنيت بيها اطير
اشمعنى ياعنى علاء الدين
ولا هو احسن منى..
ولا فاكر طول عمرة هيستغفلنى
لاء مش لاعب كده انا هغلط.
اركنى احسن لما يجيلى الدور واحلم
Naser AL Awady

Naser AL Awady أوعاك تغلط يا محمود
احسن يا ابنى تروح ما تعود
احلم و انسى الحلم و هلفط
و احلم تانى حلم جديد
ما احنا النوم بقى حلم حياتنا
و ما فيش غيره حلم أكيد
كله يقول لك نام و اتغطى
و احلم يا ابنى حلم سعيد
عمره ما قال لك حد تصحصح
لاجل تعيش فى الدنيا سعيد

Mahmoud Darwish

Mahmoud Darwish يابنى رقص ايه وديسكوهات ايه
ياريتك وياريتنى نعرف نرقص
حتى كنا من الفقر هنملص
ونقوله باى باى وهنعيش عيشه تيك واى
كافيار وسيجار وسيمون فميه
برفان وعطور وملابس سينيه
شوف الحلم جميل ازاى .
هتكمل معايا الحلم ولا باى باى
Attia Alaasar

Attia Alaasar حلمي بسيط
مش سيجار وكفيا وسبيط
حلمي اني ألاقي الحب
مرسوم في الشوارع والبيت
الغنى مش بالفلوس
ده بحب النفوس
فوق ياصاحبي
قبل مالعضم ياكله السوس

Nada Fgr بدل ما تحلم بالديسكو والكفيار
والسيجار ومعاك كام دولار
ا احلم زي اجدادنا ما حلمو
بان تكون بلادنا في مقدمة الدول
لاجل ما نلاقي لقمة لولادنا
ونبني لهم مستقبل حياتهم 
اجدادنا زرعوا النخل لينا من اجل ان يكون البلح لاحفادنا
دا الحلم الحقيقي
مش رقص وديسكو وتيك اوي
كلها مظاهر خداع زرعها العدو من اجلمانكون متخلفين

Attia Alaasar عمري ماسرقت حلم الغير
ولا قولت برافو وقلبي يغير
دايما بتمنى اني أطير
وايد صاحبي عليا تطبطب
وتقولي اصبر الصبر جميل
اصل مابينا احترام وتقدير
ويدخل عزول وضرير
اصله ماشافش زينا كتير
غلبان بيدور في المتهات
انه يموت حلم غيره
زي فيوم قلبه مامات
بقوله اصبر
وشوف واتعلم
اصل الحلم لوحد اتكلم
وماتجيش على نفسك ياغلبان
اصل زرعه بميزان

Mahmoud Darwish اجدادنا زرعوا الارض 
وسابو لنا التركه طرحه عناقيد
وجه العفريت الاحمر 
اكل الزرع وخضاره
والارض اتزرعت عواميد
وحكومتك نايمة واقصى مجهودها
طوبتين من ركنه تزيل..
انا مش عاقل ولا مجنون
ولاحتى فى حلمى بتحدى الكون
انا شايف احلامنا بتموت
وزهور بتفتح بيسرقوا منها العنقود
Nada Fgr·