عن الخوف بقلم فهمي علي

عن الخوف
شعر فهمى على

عن الخوف .. و الوجع ... و الموت
عن الكلمة الملانة سكوت 
عن الايام و قسوتها
و عن رحلة سفر بتفوت
سفاين موجها كان عالى .
و دفة و مجدافين تايهين
و ريح مالية الشراع مقادير
و دمع و خوف قلب حزين
تمر ساعات يشيب شعرك
فتتعكز على امبارح
و تسكن غربة جوانا
يتوه نجمك ... تعيش سارح
تدور جوا من روحك
على روحك ... و ما تلاقيهاش
يدوب كراكيب مصدية
و حلمك لسه فيها ما جاش
تحاول تانى تتعلم
فتتعلم ما تتعلمش
و فى الاخر .... تقابل شئ
ما هواش شئ ... ما يتكلمش
فتتصاحب عليه بشويش
و تهرب فيه ... و تستنى
فتخلق دنيا على ادك .
تعيش فيها
و تحلف ... ان دى الجنة
‫#‏فهمى_على‬