سألونى الناس بقلم إبراهيم الشاعر

سألونى الناس
********
سألونى الناس عن كلام الهوى والحنين
بتكتب لمين ؟
قُلت أنا ... للناس والعاشقين .
قالوا ...
داير تكتب عن قلب عاشق ...
عاش العمر ويا الأنين ؟
وقلبه داب م الحنين ؟
وعاش الجراح ؟
وغدر الزمن والسنين ؟
وتقول ... 
بكتب للناس والعاشقين ؟
ضحكت أنا ضحكة قلب حزين .
صحيح قلبى انكوى شوق وحنين .
بس قلبى جوه قلوب العاشقين .
ما يعرف الجرح ...
غير قلب عاش الجراح .
ولا يعرف معنى الحنين .
غير قلب داب فى الحنين .
ولا يعرف أسوة السنين .
غير قلوب العاشقين .
سألونى الناس عن كلام الهوى والحنين .
بتكتب لمين ؟
يا سائلين ....
دا قلبى أنا كل قلوب العاشقين .
كل قلوب المجروحين 
كل اللى عاش الشجن 
والشوق والحنين .
قلبى حب وداب ... 
وعايش جوه قلوب العاشقين .
واللى عِشقها القلب .
شايف على خدها ..
حبة لولى بادره ضيها بقلب الكون .
واللولى دمعة ألم 
دمعة جرح م السنين
ومن قلوب لا يوم حبت
ولا تعرف يعنى إيه حنين .
قلوب ...
حاجبه الضى من قلوبنا من سنين .
كل قلب فينا ....
يبص ع التانى من بعيد .
وبتسألونى بكتب لمين ؟
بتسألونى بكتب لمين ؟
بكتب لعمر عمرى جوه قلوب العاشقين .
بكتب لقلوب زى قلبى عايشه الحنين .
بكتب لقلوب كواها الليل والأنين .
بكتب عن قلوب آسيه وقاسيه ...
فرقت بين قلوب العاشقين .
بكتب عن ظلم الليالى ...
واللى خانوا العاشقين .
بكتب عن جرح الليالى ...
ودموع سهارى حيارى مساكين .
بكتب ع الحب ...
وغدر الناس للعاشقين والسنين .
بكتب ع اللى عاش العمر جوه قلب الحنين . 
بكتب عن حبيبتى .
اللى ساكنه جوه عيونى .
وعيونى كل عيون العاشقين .
واكتب على حيطان بيوت العاشقين .
هنا قلبى نايم وساكن ...
وكله شوق وحنين .
يا سائلين ؟
عرفتوا لمين ...
بكتب ع الحب والعاشقين ؟
*******************
إبراهيم الشاعر
5/8/2016