الف مره اقول انساك بقلم مهند المسلم

شعر غنائي

الف مره اقول انساك 
وودعنك 
وجر حسره ..
وظل سهران تالي الليل 
وبعيوني تمر مره ..
والف مره ..
والدمعات تهيض الروح 
من ذكراك 
ترد وتروح
قلب مجروح 
ينادي عليك الف مره ..
وقول انساك 
وتندم 
بكل عثره
انا بلياك غصن يابس 
يهفها الريح
ما يسوى ولا نظره ..
انا بلياك 
اصيح يا ويل 
تالي الليل
واشرب الخمره..!!
كل ضني انا انساك
وانت وياي
تنساني
وتنسه هل العشره ...
وسكر من يمر طاريك
ولم اعضاي
بقلب قاسي
وجويها على الجمره..
الف مره .. 
انا بلياك 
رمل وكسور 
تلفها الريح
تظل ادور 
مثل ما تريد الف مره ..
لا اكدر انا انساك 
ولا اكدر اظل اهواك
ولا اكدر اصير بعيد 
اغض عيني بلا نظره ..
ولا اكدر اعيش وياك
بقلب مكسور 
احطمنك الف مره ..

مهند المسلم