تغريده وسهريه بقلم المبدع سليم بدير

تغريده وسهريه
⚘وبدار الحلوي سهران⚘
ليْلِيٍه ..
وعتم وليليه ..
وبدار الحلوي سهران.
وعِليٍه فوقها عِليٍه..
مسيّجِي بكل الألوان
مطُله ..
عالوادي السهريه..
والبسمه ..
توشوش جوريه
وقلوب..
تناجي القلوب..
ضميني ..
بحضْنِكْ بردان.

وكل ما النسْمه..
لفَحِت وجٍي
ب يلمع وجها ..
ب لمعة وهجي
وإيدينا..
بترجف وبتحكي..
وعيونها..
بتبْرق بالضحكه
وغانَغَمْ وتَار الصبيه..
بِدار الحلوي سهران.

شو همنا وحدنا..
والورد غامِرنا
نلملم حكايااات..
كانت بتجْمَعْنا
وطال النغم ..
ي حباب ..
والأه تِهْزْ الباب
ويا ضباب..
رفرف عليٍي..
بِدار الحلوي سهران.

وبِقْيٍتْ ..
ل شق الفجر سهراني
نحبْحِبْ..
قطوف الدوالي..
الحلياني
وشوية عِنّاب..
وكرزات فرحاني
وياكل عناقيد الليل..
..العرياني...
تكتب شِعر ..
وتتمتّع بِ ألحاني
و بدار الحلوي سهران⚘🌴
سليم بدير⚘