وحشتينى بقلم الشاعر/الشربينى محمود الرفاعى

((٠٠وحشتينى٠٠))
----------------------------------------
وحشتينى
رغم ان انتى ويايا
وجوايا ف شرايينى
وحشتينى
ياصورة د نيتى الحلوه
اللى مرسومه
على عيو نى
وعمرى فيوم ماهنساكى
ولا ف الدنيا دى حاجه
تنسينى تخلينى
اشوف الدنيا من غيرك
فراقك ياحبيبتى
نار بتحرقنى بتكوينى
انا مش عارف هعيش ازاى
بدون روحك تقوينى
بدون البسمه ف عيونك
تنيمنى تصحينى
بدونك د نيتى فاضيه
مهيش د نيا
د ى سجن كبير
بيخنقنى مخلينى
كرهت الدنيا والايام
خاصمت الضحكه والاحلام
انا مش يائس
انا كل الحكايه
انى مش عارف
اعيش العمر من غيرك
صادفت كتير حكايات
عن الفرقه عن الاحزان
وشفت ازاى كتير الناس
بتقدر تشترى بكره
وتنسى زمان
ودا الانسان
ف يوم ماربنا خلقه
خلق له نعمة النسيان
وانامش عايز انساكى
ونفسى اعيش
حياتى وياكى من الاول
وارجع تانى افراحى بلياليكى
هسيب الدنيا والايام
واجيلك احط رحالى جنبيكى
وهستنى وطول العمر هتمنى
امل واحد
ياخدنى هناك
يودينى لاراضيكى
٠٠٠٠٠٠٠٠٠٠٠٠٠٠٠٠٠٠٠٠٠٠٠٠\
بقلم الشاعر/الشربينى محمود الرفاعى