واتسرمح"
اوعى تبص وراك يا معلم
وانت الدنيا بحالها هاترقص
لو تتقدم
خد لك حفنة وعى ارميها
ف وش العتمة
خلى الكاتمة تغمى عنيهم
واخرج
ربك يبقى معاك
ونور الصبح يشقشق فيك
من جواك
خد كم بؤجة تلم شقاك
واقسم كم يبقى لك
ميل ورا ميل
حتى تعدى طريق
الويل
واشرب عرق الحب العذرى
وطِّوف
اوعى تسوِّف
وهِد جدار الخوف الراكض
بين أضلاعك
خلى سماعك يطرح شمس
وزهرة
بوس القمرة واطلق خيلك
جوا برارى القلب
خلى طاووس الصب
يفحفح
اصنع جوز جناحات
واتسرمح
بين حكايات زيدون ولادة
خلى العادة دانتى يقولها
ان الحب بيقدر يدخل
حتى ولو من خلف جدار
وان مسار النهر بيجرى
مع التيار
وان الصخرة بيخرج منها
نبع حياة
وان القسوة شموخ للعنف
زى رياح بتعد العصفة
وتقدح نار
اوعى تبص وراك
تتشقلب
حاذر يمكن
خطة معدة
أو كم مقلب
الشاعر وحيد راغب
0 التعليقات: