مش غرور ولا تكبر لكنها ثقة
محتاجة منك حاجات كتير ومتاكده
انك لو بتحبني هتعملها اكيد
عيزاك اوي تحبني
تاخد بالك مني وبحنيه تضمني
تكون ابويا واخويا وابني ودنيتي
تكون حبيبي وصديقي ف محنتي
تمشي وانت ماسك ايديا يا دنيتي
تشوفني اجمل الدنيا رغم بساطه طلتي
تصوني وعمرك ما تخون ولا حتي بالعيون
اكون الاولي والاخيرة اكون كل الكون
محتاجه منك حاجات كتير
تحسسني اني الاميرة ف قصور محبتك
تلف بيا الكون وتكون بيا مجنون
تفضل العمر ليا لا خصام ولا هجر ولا قسيا
نقسم بينا السعاده والفرحه والهوا
نفضل العمر كله سوا
تقول حبيتي واقول حبيبي انت لدنيتي الدوا
محتاجه منك حاجات كتير
وانا متاكده انك هتقدر بيا تطير للسما
وتحقق لقلبي حلمه وتعيشه بسعاده وهنا
انا متاكده من مشاعري نحيتك
واقدر بمحبتي اغير معالم دنيتك
اكون حياتك اكون حبيبتك اكون دنيتك
ودي مشاعر يا شاعر في قصايد محبتك #امل
0 التعليقات: