دا الثانية منه سنين بقلم الشاعر وحيد راغب

(دا الثانية منه سنين)
لمحت طيفك سبانى 
يا ابو العيون السود
الحرف منك معانى 
وربنا المعبود
لميتى هافضل اعانى
واحِس بالمفقود
هللت حتى الأمانى
يأسِت من العهد
والموعود
يا اما تجيب لى
أوانى
وابلُغ المقصود
يا اما تعض ف بنانى
ويسلسل خيالى
قيود
مفيش ف العشق
عتالة
ولا سيفين
وشرود
الحب طوع القلوب
بالنظرة والتسهيد
ابنى ف كوخ الجمال
على شط روح الجود
دا الثانية منه سنين
واللى انطفى ما بعود
عليك تطفى الجروح
بلمسة ايد
فوق ايد
وضحكة من ثغر عنبر
بفوح هنا
وسعود
والندى
وتمر شط العرب
ورابعة ف حانها
جديد
تقيد شموع قربها
والليل
وصراخ فنا ف حبب
مكدود
لمحت طيفك سبانى
والعهدة ع الاطياف
لقيتنى
ف حضرة جنانى
للكامل الاوصاف
شقيت بقدر العيون
والشوق
نيران جوى وشغاف
كشفت فين حصتى
وفين بقى الانصاف
الشاعر وحيد راغب