ياللي اخديتكوا الاوهام بقلم ماهر البساطي

ياللي اخديتكوا الاوهام
وعيشتو فيها وي الغرور

بكره تفوقكوا الايام
علي حقيقة
مين اللي عليه الدور

ياللي ظلمت غيرك
ورميت شباكك عليه

بكره هايجي دورك
وتشوف الضحكه ف عنيه

ويطير حواليك طيرك
ويقولك وبإيدي ايه

ويبعد عنك ويسيبك
الحق مين يقدر عليه

ياللي ملكتوا كل حاجه
الا الحب والحنان

دا مايسواش
في الدنيا حاجه
من غير الرضا والامان

شايفين نفسكوا كل حاجه
وانتو ولا حاجه

انتو بالونه منفوخه
بدبوس يجيلكوا حاله

ياللي بتمشوا ع الرقاب
كأنكم ماشين ع الارض

وتشمو ريحة الموت
كأنه فل وورد

والظلم يملي اديكووا
وقدامكوا الضعيف يترد

فيه رب... يارب.. اسمه الكريم
قادر عن الضعيف يرد

ياللي قولتوا الدنيا دايمه
لا دايم الا الله

وقلوبكوا عن الحق صايمه
لا اله الا الله

ماعتش وقت عشان تندموا
وتقولووو نكفر عن اللي عملناه

دا الدنيادي ساعه
واللي عاشها في طاعه
هو اللي داق الراحه
وقال ع الدنيا الله......

بقلمي..
ماهر البساطي..