انت فين .. انت مين بقلم الشاعر وحيد راغب

انت فين .. انت مين )
مش هاعتذر 
انت اللى رحت وفوتنى 
ولا هانتظر 
منك حكاية تضمنى 
ولا هافتكر
ضحكة رمتها تودنى
ما خلاص جدارك صدنى
ارحل بقى
خلى الضيا يبدأ يفتح وردتى
ويلمنى
شوف الضلام
شوف الحمام
شوف السحاب لما يخلع زهرته
مطرة وئام
انت فين
انت مين
انت اللى رحت وفوتنى
كنت ابتديت
انسى اللى فات
فهجرتنى
ياحلم نايم ف العسل
ماجتش ليه
هوانت واخد من عنيه
مليون جنيه
يا طيف رحل
حتى الخجل
ساب اللجام
البيت حرام
ما بقاش يسعنى ف وحدتى
وبقيت ركام
والقمرة ساكنة ف زفرتى
ارحل بقى
فوق الرحيل
قلبى ندم ما بقاش يميل
ودموعى جمدت
احساسى
بطل ينطوى للمستحيل
احساسى
بطل ينطوى للمستحيل