اللي ليك عندي بقلم ماهر البساطي

‫#‏اللي_ليك_عندي‬..
""""""""""""""""""

السطر الاول..
"""""""""""""""""
كل اللي ليك عندي
قصة حب.....وحنين
ماليه الشوق.....وعيون
خايفين.......عليك م الايام
ولك عندي قلب
بيحبك
بتمني قربك
بايع كل الحياه وشاريك
بتمنالك تحقق امانيك
وبيقولك انت الحياه
كل الحياه معاك وليك
وعيوني مغمضه سرحانه
عايشه بس مش شايفه
ولا حاسه الا بعنيك
ده السطر الاول في كتابي
اللي عنوانه
#اللي_ليك_عندي..1

السطر التاني..
"""""""""""""""
وف سطري التاني
بنادي
ياليالي
في فرحك
خليه اول حضورك
وف جرحك
إنسيه
خليه
تايه عن دموعك
وان كان لابد منه
من ظلمه وجرح قلبه
اشيل انا عنه
واتحمل انا مرورك..

#اللي_ليك_عندي..2

السطر التالت..
""""""""""""""""
وف سطري التالت
جراحي نامت
لما شوفت عيونها..

والدنيا غيرت وشها
ملامحها كده كلها
قلبالي علي حلوها
وعذابها بقي فرحها
ونسياني من دموعها
#اللي_ليك_عندي..3

السطر الرابع..
""""""""""""""""
وف سطري الرابع
من #اللي_ليك_عندي..4
إحساس راقي ورائع
بيحسه معاك قلبي..

يفضل يدق كده ويرق
لو انت عيونك قصاده
وف الكلام__ يفضل يُذق
مكسوف من جماله
علشان مهما اقوووووول
مش هاقدر ممكن أوفّي
من اللي انا شايلُه عشانه..

السطر الخامس..
"""""""""""""""
وف سطري الخامس
انا حاسس
ب أشواق
وخداني للسما
مخلياني دايس
علي جراحي
اللي انا فيها عايش
ماهو الطبيب والدوي
مش خايف
وقلبي......
بقي عارف
طريقه فين
لا الاسوه
ولا الاحزان
بقوا يقدروا
ينسوني الحنين..
#اللي_ليك_عندي...5

السطر السادس
"""""""""""""""
وبرقيكي رُقيه شرعيه
لجل العيون يبعدوا
روحك روحي ياعنيا
وقلبك مُنايا اسعدوا
سطري السادس كله شعائر
بدعيلك فيه من كل قلبي
لايتعب قلبك ولايبقي حائر
ويكتر اللي ليك عندي
وقت صلاتي دُعايا ليك
بدعي تشوف الفرحه عنيك
والاخلاص اهم سماتك
تعيش وتكبر... يكبر فيك

#اللي_ليك_عندي..6

السطر السابع..
"""""""""""""""""
السطر السابع
انا فيه بايع
كل الخوف والالم
الذكري المُره
اللحظه الجارحه
كل الدموع والندم..
هانساهم وينسونا
والامل هانجدده
وف حضن اللي حبونا
هانعيش ونسعده
ماهو حُبك حياة قلبي
هو بر الآمان ليا
و
#اللي_ليك_عندي..7
اكبر من الدنيا ديا..

السطر التامن
""""""""""""""
السطر التامن
الشوق باين
والغيره نصبالي القصه
من كام يوم طار النوم
من نسمة هوي
حركت فيها كام خُصله..
لما طاروا سلاسل الدهب
طار معاهم عقلي
وسكن في قلبي
النار واللهب
من #اللي_ليك_عندي..8
النار قايده ومافيش فايده
الغيرة عاميلها تملي
تعدي تجرح ..تسكن فينا
لكن الثقه..احلي ماعندي..

السطر التاسع..
""""""""''''''''''''''
قبل السطر الاخير
التاسع هاقول فيه
قبل مايخوني التعبير
هاوضحلك اللي انا عايش فيه

عايش في حُب كبير
ماليه من الاشواق
مفتاحه كلمة خير
وابقي ابو العشاق..

قالتلي ياللي انت عايش في قلبي
خد بقي من #اللي_ليك_عندي..9

انت السعاده والهنا
انت النور اللي في عنيا
انت الاحلام والمُني
وكل اللي فيك فيا

ابويا دلوقتي مستنيك
تشرب معاه قهوتك
شايفه السعادة في عنيك
مانا كل ثروتك
.. يابنت الايه..

السطر العاشر..
""""""""""""""""
وأخرة الحكايه..بدايه..
لسنين جميله جايه
وبعد الورق والقلم والكتابه
هانعيش الحقيقه الحيه
في السطر العاشر.. بشاير
لسعاده وحب وفرحه
وبدله سمرا جميله
وفستان ابيض وطرحه
وحبايب حوالينا
فرحانيين لينا
والحب مالي حياتنا
وبرفرف في السما
روحك وروحي
قلبك وقلبي
علشان #اللي_ليك_عندي..10
اكبر من خيالنا..
البدايه....

ماهر البساطي..
‫#‏خواطر_شارده‬..