( مصر أمي )
سامح ايليا
أنا حالف يمين يا أمايه
ما أرجعلك إلا وأنا منصور
وبإيدي دهي يا أمايه
هحفر ليهم قبور
حالف يمين يا ضنايه
عدوك يبات مقهور
قلبى وياك يا وليدى
تمحى عدايا وتزيل الشرور
طول مانا عايش يا غاليه
لا يمكن تشيلى هموم
هفضل ايدي اللي طايله
ولابد أمحي الغيوم
دانت الهنا يا امايه
ولا يمكن هييجي اليوم
اللي تباتي فيه ويايه
ودمعك ع الخدود معلوم
دانت الوطن يا امايه
وانت الحما والروح
وروحي فداك يا اما
وبعمري همحي الجروح
سامح ايليا
0 التعليقات: