حسن الخاتمه بقلم المتالق فتحي وجيه

(حسن الخاتمه ) .. وذلك بمناسبه وفاه عدذ من الحجاج . عليهم رحمه الله ..

سمعت طبل وزمر . وصوت كده زفه ..
بيقولو عم حسين . دعاه النبي ووفا ..
لابس ملابس الاحرام . وعلي وجهه فرحه ونور ..
ماهو رايح يابخته يزور . بيت رب غفور ..
لازم يكون فرحان . وعلي وجهه بهجه ونور ..
........... ......
ركب مركب ومشيت . في البحر بيه ايام ..
كان كل يوم يحلم . انه واقف في المقام ..
وقدام الحجر واقف . بيقرب منه ويبوسه ..
ويدعي ويقول يااارب . ارحم عبد فقير ..
ماهو انت عالي العلا . وبتحسن التدبير ..
يارب ياقدير . اصلح لي احوالي ..
واغفر لي ياعزيز . واحسن لي ختامي ..
..................
ووصل عم حسين . لبيت ربنا ع الارض ..
والفرحه مش سيعاه . في الارض طول ولا عرض ..
واتوضي من زمزم . وصلي سنه وفرض ..
وبكي بدمع الندم . يااارب يا غفار ..
اجعل ختامي هنا . في بيتك يا قهار ..
....... .........
وسمع السميع دعاه . من فوق سبع سموات ..
وقدر هنا موته . وتقبل الدعوااات ..
ونطق الشهاده . قبل الموت علي طول ..
ومات وجهه بيضحك . من فرحه القبول ..
...................
وعلي البقيع حملوه . بنفسه وهدومه ..
وف الارض الطاهره دفنوه . شهيد ودا يومه ..
في جنه ربنا حي . عايش شهيد فرحان ..
وسايب دنيتنا . دنيا الظلم والاحزان ..
..........
وسمعت طبل وزمر . وصوت كده زفه ..
بيقولو عم حسين . دعاه النبي ووفا ..
قابل رب كريم . وفي بيته شهيد ووفا ..
وفي بيته شهيد ووفا ..
فتحي وجيه .....