وشوفت كتير
وكان البحر باعرفنى
بموج صاخب
وريح تنوير
وازق الشوقة ترجع لى
مساميرها
وتار وزفير
مليت الحس بدموعى
وقلت أطير
ولاح فى خيالى كم صورة
وكم واحد
بيفحت بير
وخنساءنا على الصخر
وزَرْقِتنَا على البسوس
بقى لدروبنا يا داوود
دروع سالت
وقلب جاسوس
أزوغ منى
فأدخلنى
ما انا المنحوس
بينهش فيه كم حاسة
وكم منقوع ف ادمانه
خيانة وسوس
شروعى ف بوحى كان فاتر
ولما بدأت
كان ننوى
بألف رؤوس
أنا ببلع خريف عمرى
ومن جمرى
تثور براكين
تهد نفوس
لإمتى هابيل تتاطى الراس
ويعمل فى خطا روحك
صهيل الكاس
عشان نخرج
شرانقنا نحطمها
لان الثقب ما باعدى
سوى خناس
أنا باتهجى كم كلمة
وهاكتبها على ضلوعى
كما قرطاس
وها انزع خجلى من نفسى
وهاا استقوى
بتوريتى
وكم نقطة
وكم فاصلة هواها جناس
يا ودع البحر ما تقولشى
ولا توشوش
وخلى الرمل يدفسنى
بدون احساس
انا الفرعون ولافظنى
مياه البحر
لان النحر
بقى عادة ف ليل الغربة
والاجناس
وحر البوسة كجهنم
وحضن الافعى
والوسواس
أنا ها اعكسها واتنحنح
بان كلامنا من بلاتين
وان سكاتنا من
فضة
كما الاقواس
وان فضاءنا كان فكرة
بجربها
لنا فرناس
الشاعر وحيد راغب
0 التعليقات: