مظلمه
عايشين في الدنيا كده بالذق
نمل وعايش جوه الشق
يعملوا زي مايعملوا فينا
ولا بنقول آه ولا بنقول لآ
اصل بلادنا دي ليها قوانين
نفاق وكدب ومافيهاش حق
لما المجني عليه في بلادنا يبقا الجاني
والظالم يظلم ونقوله اظلم تاني
والغلبان ينداس بالنعل
ولو إتوجع نكسرله الفك
هيا دي حكومتنا الطاهره
رغم العلم هاتفضل جاهله
دايما بتشيد بمهارة غيرها
ولأحلامنا احنا بتسرق
كل مانيجي نقول نتقدم
ومن خطأ الماضي هنتعلم
وهنبني بلادنا وهنعلي
بنلاقي المركب تغرق
ناس من ايام حتشبسوت
في مناصب وخلاص هتموت
وان قولنالوا كفايه عليك
يزعل وكأنه ده له حق
كل دول العالم الراقي
افكارهم دايما في تلاقي
وهما لازقين فوق كراسيهم
عاملين زي جراد او بق
لما عضو المجلس يحلف
انه مايحلف والله تخلف
ولا وزير العدل البارع
يتكلم وكأنه من الشارع
يارئيس دولتنا الحق
غير شيل وهات ناس فاهمه
يقدروا يعبروا بينا عالبر
ناس تسعفنا في وسط الزحمه
مش عواجيز محتاجه تتجر
بنفرفر ونقول في آهات
ملينا م الموت في سكات
نتوسل للبيه والباشا
يمكن قلبه علينا يرق
0 التعليقات: