يا مفرقين طعم الفرح منابات بقلم فهمي ناصر

يا مفرقين طعم الفرح منابات 
ما فاضش ليا و لا نسيتونى 
دا انا اللى حظى من الهموم منابات 
موجوع و حابس دمعى فى عيونى 
و قضيت سنين العمر زادى سكات 
م اللى اشتريتهم لما باعونى
و اللى فى حشايا شيلتهم حكايات
و كانو فيا عقلى و جنونى
و القلب ليهم لم شبع دقات
و لا من جفاهم توهت فى ظنونى
مش هاشكى تانى .. و مش هاقول آهات
بس انتو قولو .... ليه جرحتونى
ليه ارتضيتو يتمحى ما فات
دا انا كنت بيكم ... ليه حرمتونى
فهمي علي