أهلي .. وزمالك بقلم معوض حلمي

أنا مع الرياضة قلبا وقالبا ، ولكن أن تختزل الرياضة في كرة القدم وتتحول إلى تناحر وحرب وإزهاق أرواح ، فيجب أن يكون لنا وقفة لتصحيح المسار ..
..........................

"" أهلي .. وزمالك ""
.......................... 
الماتش
النهاردة
والدنيا زايطة
ليه يابلدنا ..
ظالمه ناسك
ممشياهم
ف سكة
ضلمه ..
مقسماهم
أهلي وزمالك
يا بلدنا مالك
بقيتي هابله
ماسكه طبله
مرقصاهم
ومعوداهم
ع النطاعه
والخيانه ..
كورة إيه
وزفت إيه
والناس
جعانه ..
أهلي إيه
وزمالك ايه ..
سقيانا كاس
المر ليه ..
دا الناس
بتحلم بالرغيف
مش بتلاقيه ..
إسألي
أهل الوجاهه
تاجروا ليه
بسنين حنانك ..
هوا دا الجيل
اللي خانك ..
رجعوكي لاسود
أيام زمانك ..
نسوكي ليه
زمن الحنين ..
خطفوكي
من حضن
الطيابة ..
الغلابه ..
هما دول
عزك وجاهك
الفلاحين ..
والبنايين ..
الشغالين ..
العرقانين ..
التعبانين ..
هما دول
أهل الشفاعة ..
هما دول
في الأخرة
دين ..
هما دول
في الأخرة
دين ..
....................
معوض حلمي
منشأة بطاش
تمي الأمديد
دقهلية