أصلك فعلك ياصاحبي بقلم ماهر البساطي

أصلك فعلك ياصاحبي
وياللي انت
انا لسه ماعرفوش..

ياتبقي أد كلامك ياخويا
يالسانك
جوه بوئك ماتطلعوش..

كتر الكلام __ هذا الزمان
بس الاوهام..... مالياه

شوية كدب__ حبة نفاق
لحد ..... ماحفظناه

نسي الانسان.... انو انسان
وعشرة زمان ...... معدومه

بقت القلوب .... جوه الضلوع
كارهه وجارحه ومخدوعه

الدمع جوه العيون اتحجر
مشتاقه ليه الخدود

واللسان بقي يقول ويتآمر
وكل يوم بين الناس
يبني في سدود

ونهاية القول !!!!!!!!

طريقنا واضح بس الناس مش شيفاه
+ خلي النيه من جوه طيبه
+ احسن الظن
+ اعمل ولما تعمل تبقي لله

وهاتلاقي الدنيا بقت جنه
دا للي عايز كده دنياه
ولكل كبير كبير
والله اكبر جل علاه....

‫#‏أصلك_فعلك‬

ماهر البساطي..خواطر شارده