ابتسم بقلم ماهر البساطي

ابتسم...
;;;;;;;;;;;

ابتسم.. تبتسم لك الحياه
ابتسم.. وغني لقلبك غُناه
افرح.. ماتشلش هم الآه
واضحك.. وانسي الحزن وبُكاه
هايفيدنا ايه م الالم
هايفيدنا ايه م الندم
غير الحسره والآه..
ابتسم.....

ابتسم..د البسمه.. ع الشفايف
لما تكون م القلب طالعه
وناسيه كل المخاوف
وف العيون سعاده وفرحه
يعني تكون..بسمه..صافيه..بريئه..وطاهره
تبقي بكل الحياه..
ابتسم.....

ابتسم..وبنظره حنينه..طبطب عللي حواليك
وهون عليهم.. في عنيهم تكبر
واللي فيهم تعبان..حيران..سهران
داوي جرحه
وجرح المجروح لوتقدر
دا الضحكه ف وشهم..تهون همهم
وتجدد عندهم..أملهم في الحياه..
ابتسم.....

ماهر البساطي..خواطر شارده...