..............................................................................
فين حقنا يا بشر
لما نعيش مطرودين
بكي علينا الحجر
وذنبنا في رقبة مين
حن علينا الشجر
كأن مفيش بني ادمين
راح منهم البصر
وبقوا أشباح متلونين
ضلل علينا المطر
من قسوة الرياحــين
والإحساس إعتذر
من قلوب الحاكمين
اللي همهم المنظرة
وبالأطفال مش دارينين
لا هياهم الفشخرة
ومن الإحساس ميتين
مقروش كل العبر
اللي حصلت من سنين
لكل حاكم إفتري
علي أطفال صغيرين
فين حقنا يا بشر
و الأطفال المحرومين
اللي في خطر
وعلي الحدود مهملين
معندكمش نخوة
ولا فيكم ذرة ضمير
غاويين الشهرة
وما يهمكوش المطحونين
وأدامكم السفرة
والغلابه مش لاقيين
اللقمه ولا الهدمه
وإشهد علينا يارب العالمين
...................................................................
................. إحساس / حسـن الشـوان ................
....................6 / يناير /2016 ........................
0 التعليقات: