بحب الكون وأطياره
باعيش للناس
وباعرق ف الهوا بشوقى
ما نيش خناس
مع نور الجمال واقف
ولا بفتِن
ولا وسواس
أحط الشدِّة والتشكيل
وعمرى ما اميل
ولا بانداس
لا ريح بالعصف تجرفنى
ولا موجة
لابسها الجن والتهياج
وأقول فى الغيم ومعرفشى
أكون غنَّاج
صحيح أنفاسى باحبسها
من الضيقة
من السمَّاج
فلا عينى تخاف ضلمة
ولا لطمة ولا كرباج
ها اعيش وحدى غفاريَّاً
واموت وحدى ومش محتاج
ـــــــــــــ
غفاريا نسبة الى أبى ذر الغفارى فقد قال عنه "ص" يعيش وحده ويموت وحده لصلابته فى الحق
0 التعليقات: