اعذريني يوم ما قلت كل حاجه من بعدك كرهتها
أنا يومها يا أمي كنت انسان مغيب وقتها
وبعد منك على كتفي شلت هموم مش قدها ***
وكل حاجه بعد منك طعمها أصبح مر
ومن يوم بعدي عنك واخباري مش بتسر
سبتي الدنيا لكنك ساكنه قلبى طول العمر ***
قلبى بيسأل يوماتي هي فين نبع الحنان
والاجابه هي سكاني والدموع ماليه المكان
تعبان أوي في حياتي ونفسي في حضنك زي زمان***
فاكره يا أمي يوم ما قلتي إن أنا كل اللي ليكي
بأمه ربيتي ويامه شيلتي ومشوفتيش يوم حزن في عنيكي
كنتي تفرحي لو قلت حبيبتي وتحضنيني بين ايدكي
انتي جه قدرك ومتى. بس روحي ساكنه فيكي ***
أنا لسه فاكر ضحكتك لما كنتي بتشوفيني
ومن الفرح تنزل دمعتك لما كنتي بتحضنيني
وحشني شايك .وقهوتك .وكف ايدك لما كنتي بتضربيني
اتحرمت من حنيتك من يوم ماروحتي وسبتيني
عايش والحزن ماليني والدمع مصاحب عيني ****
**** أمي الحبيبة ****
الشاعر // أشرف حسن ...
0 التعليقات: