رجوع بقلم المبدع الشاعر على منصور فضة

رجوع
جايه بعد الهجر نسأل 
كنت عامل ايه ف بعدي 
لسه مخلص زي ما أنت 
ولا حبيت واحده بعدي 
لسه عايش لحظه حلوه
ولا طعم اللحظه راح
والسنين ماشيه بطيئه
مسرسبه ايام تعدي
لسه فيك القلب صافي
زي ورد ابيض مندي
لسه قلبك نبضه يجري
لما طيفي عليك يعدي
ولا نبص القلب عندك
انحني ظهره
وبات مخنوق مهدي
لسه صورتي جوه عينك
هيه هيه
رسمه شوفك
والحنين ياخد ويدي
ولا صورتي
م العيون هربت خلاص
والسنين خلتها تمثال انكسر
باهت مصدي
عامل ايه بعد الفراق
ولما خلصت الكلام
قلتلها
مين اللي ابتدي وزرع الخصام
مين اللي شتت حبنا وهجر الرام
مين اللي راح من غير سبب
ينسي سنين الحب مين قتل الغرام
قلبي مش القلب اللي كنتي بتعرفيه
قلبي صبح شايخ عجوز
موجوع من الحزن اللي فيه
قلبي قفل باب الحنين
لو تطلبي منه الرجوع مش هتلاقيه
كان بين ايديكي بيرتجف
ولا كنتي مره بتسمعيه
صمه الودان عن كل شيئ حلو وجميل
طب ليه فضلتي بتخدعيه
جايه النهار ده
تكملي نفس الحكايه
نفس الأماني تسمعيه
وتقولي
نرجع زي ما كنا سوا
واللي انتهي راح نبتديه
كان شجر اللبلاب ف قلبي نبضته
وانتي بقسوه بتخلعيه
قفصت علي قلبي الضلوع
وسجنته اوعي تطلعيه
قتلتي كل الحب في لحظه جفا
عمر اللي مات م بيصحي تاني
مستحيل هترجعيه
القلب لو مره انجرح
لا طب ولا شيئ بيداويه
قلبي نسي كل اللي فات
مسجون ف صمته والسكات
وانتي كمان
أنسي الزمان
وانسي والمكان
وانسيه
1/11/2016