( متحاولش). ٢٨/نوفمبر/٢٠١٦
متحاولش ترجع ليا تانى متحاولش
عمرى ما ح نسى و إنى أنسى مفتكرش
أنت كداب بطبعك و أنا اذاى ح سامحك
وأحن ليك وأديلك تانى قلبى * ما تستهلش
و متحاولش ترجع ليا تانى متحاولش
قساوتك و يا غدرك و نكرانك جميلى
اللى عملته عشانك و مستنتش رد
طولت بالى ياما و احتار معاك دليلى
و بضحكة و ابتسامة مستنى منى ود
سلمت ليك قلبى و لقيتك بألف وش
متحاولش ترجع ليا تانى متحاولش
انت فكرك إن قلبى رهن إيدك
ولا فاكر إن جرحك ليا طاب
لأ يا سيدى أنا بدعيه يزيدك
من وجع قلبك و من كتر العذاب
لجل ما تعرف إن ربك ما بيسيبش
متحاولش ترجع ليا تانى متحاولش
الشاعر/ محمد الشاذلى
0 التعليقات: