ياخى عيب عليك اختشى
واعقل بلاش خيبه
أنا اللى هصرف عليك
بالزمَه مش عيبه
هوَوانت مش مكسوف
يا واد انت من نفسك
طب راعى حتى الأصول
و السن و الشيبه
خاف من كلام الناس
واعمل حساب طيب
خلَيك حسيس امااااال
وادَرا بالطيب
ايَاكشى فاكر يا واد
ان احنا عاشقينك
وللا احنا خلَفناك
يمكن وناسيينك
طب داحنا مش عارفين
نتهنَا ع اللقمه
دا بدال م نصعب عليك
هوَواحنا ناقصينك
دا العيشه مرَه و نار
و بلاش هزار يا خفيف
دنا ايدى وسط النار
يا مغنَى للتكييف
بقلمى \ محمد العربى
0 التعليقات: