وفاق
لو صار الهَمّ الف طاق وطاق
وصِفي البال بعدها وتبسم و رَاق
بيعود الفِكر يضحك للزمان
ويكتب التلاقي دفاتر حب و أوراق
إن غِفيت جفون الاسامي حولنا
بيتمرجح الغفا سهوة ورجع فاق
ما بتصفى القلوب إلا بمحبة بعضنا
وما بتعمر الإيام طَيبة إلا بِالوفاق
ولَو شو ما جَرى من الغدر لِلوفا
وإن جَبلنا الكره حالو وشو ما ساق
بتبقى المحبة بتعبي طهر الدِني
وبتعيد بالملقى صحابنا و الرفاق
سليم عيسى..
0 التعليقات: